Meet the author

 

Papiamentu

Curvin J. George ta un yu di tera i presentadó di e programa "PuntraMi" na Boneiru. Meskos ku e programma di radio ku e tabata presenta "Puntra George" na Groningen, Hulanda, e ta yama oyentenan afó pa wak mas aleu ku nan nanishi. Na un manera ku ta provoká reflekshon e ta trese diferente temanan sosial dilanti ku ta aktual pa e Boneiru di awe. Na Kòrsou i Hulanda ela desaroyá su mes den enfermeria i pedagogia sosial den kual e tin aproksimadamente 15 aña di eksperensia. For di 2010 ela sigui su desaroyo profeshonal na Kralendijk kaminda aktualmente e ta responsabel pa e ofisina di Voogdijraad Caribisch Nederland komo direktor. Tambe den kuadro di su master thesis na Inter-Continental University of the Caribbean e ta hasi sondeo na e motivashon general di trahadornan den sektor publiko. Komo treiner, motivador (motivational speaker) i evangelista ordená, e ta komparti gustosamente su konosementu i pashon pa desaroyo personal. “Kurashi”  ta e titulo di su siguiente publikashon.